Ви го претставувам најдоброто од градот, ресторанот кој засега нема конкуренција!

Многу сакам луѓе кои се разбираат во храна и знаат добро да готват. Еден од нив е и Петар. Нашето инстаграм пријателство спонтано одлучивме да го искачиме на следно ниво и петочки договоривме ручек во Антигона.

Со Петар, Драган, Елена и Ивана како за прв пат во Македонско Село, го погрешивме ресторанот. Ни донесоа мени со ракија и чварки, а ние по зреен бифтек бевме дојдени. Сфативме дека сме ја утнале работата :). Иако на иста локација, двата ресторани се два различни светови.

Во Антигона нè пречекаа Софка и Фичо . Го разгледавме менито и сфативме дека сакаме да пробаме СЀ!

Куверт – за добродојде. три различни лепчиња со три различни путери, власец, горгонзола и тартуф, чаден.

Од куќата добивме домашно пате од пилешки џигер со масло од тартуф

Услугата беше бес-пре-кор-на.

По нивна препорака нарачавме Валеријана салата со праска и козјо сирење и Ajзберг салата.

Antigona /w @ada111 @monikapotter @elenatrimceska /c @filippopovski @sofkaka

A post shared by Petar Sokarovski (@sokarovski) on

Како главно јадење, по препорака на Фичо, се одлучив за свинско филе со пире од компири и прелив од тартуфи. 10/10 од причина што посочно свинско месо немам пробано.

Врвниот сомелиер во консултација со Петар се одлучија за вино.

Изборот на главно јадење на Петар беше зреен бифтек со фстак и пире од целер и морков, како прилог артичоки.

Wet aged beef tenderloin with pistachio, carrot puree and celery puree. Chefs: @filippopovski @sofkaka

A post shared by Petar Sokarovski (@sokarovski) on

Следно нешто што ме остави без зборови беа гарофало лингвините со доматен сос. Во самото тесто имаа лимон, што даваше врвен шмек.

 Елена и Драган одбраа мисиркино.

Мисиркините гради со вргањ, спанаќ и брусница сос што ги нарача Драган најмалку ми се допаднаа.

Бидејќи обожавам горгонзола, морав да крадам од мисиркиното на Елена 😀

Од десерти пробавме :

  • Чоколаден мус
  • Тарт
  • Кокос тапиока пудинг со манго сорбе
  • Крем бруле со тиква

Се заљубив во тартот на Софка  и крем брулето, а најмалку ми се допадна кокос тапиока пудингот.

@sofkaka не маѓепса со тартов😍

A post shared by Monica Bauer (@monikapotter) on

 

Постов излезе подолг отколку што очекував, ама сакав доживувањево да ви го прераскажам на долго и широко. Едноставно мора да ја посетите Антигона. Ја препорачувам за интимна вечера, за некој посебен повод или доколку имате гости од странство пред кои треба да се покажете 😀

Секоја чест!